మనఃశాంతి - చందమామ
ఉదయం మూడున్నర,చుట్టూ లోకం నిద్రపోతున్న వేళ
చంద్రుని వెలుతురుకి బేలనైన వీధిదీపాలు..
నిర్మానుశ్యత..
భయమా ? నిశ్శబ్దతలో రాటుదేలుతున్న
ఆలోచనల పదును కాదంటున్నాయి.
అలికిడి... గాలి సవ్వడి సందేహాస్పదం.
మనఃశాంతి - చందమామ
దూరపు కొండల నునుపు, ఎదుగుదల తపించిన బాల్యం
dylan పాట వినమని అంతరాత్మ ఘోష
ఏం జరిగింది, ఎలా... బేరీజు వేయాలనిపించని అలసత
ఇది ఇంతకముందరే అనుభవించానే !! deja vu
మరోసారి కమ్ముకున్న ఆలోచనల వెల్లువ
ఓహ్ ! అంతేకదా !!
అంతేనా? కాదు. ఏదో తేడా, ఎక్కడో పొరబాటు
కలలా తోచిన తడబాటు..
అదే నేరమా? అవునని శపించిన గతం.
భయంకర శబ్దం, దూరాన కుక్కల ఏడుపు
వెన్నులో వణుకు
on-off స్విచ్ లా, చెవికి ఓ మీట ఉంటే బావుండునేమో
వీధి దీపాలు, చంద్రుడూ వెలవెలబోతున్నాయి...
తొలి కిరణాల జాడేది ?
పాలవాడి అరుపు, మరో ఉదయం
వేచి చూస్తోంది.
